1962 жылы қазіргі Алматы облысы Кербұлақ ауданы Басшы ауылында дүниеге келді. 1998 жылы Т. Жүргенов атындағы театр және көркемсурет институтының КСРО халық әртістері Ы. Ноғайбаев және Ф. Шарипованың шеберханасынан тәмамдады. 1990 жылы жаңадан ашылған Ж. Аймауытов атындағы Павлодар облыстық қазақ музыкалық драма театрына алғашқы актерлерінің бірі болып қабылданып, 7 желтоқсанда театрдың тұңғыш сахнасы ашылғанда М.Әуезовтің «Айман-Шолпан» музыкалық комедиясында басты кейіпкердің бірі Арыстанның рөлін орындаған болатын.

Сол театр ашылғаннан бері сахнада талай қойылымдарда басты рөлдерді ойнап келеді. Театр өнерінің байқауларында бірнеше рет «Ең үздік ерлер рөлін орындаушы» номинацияларына ие болды. Павлодар облысы және қала әкімінің бірнеше мәрте Мақтау мадақтары мен Алғыс хаттары табыс етілді. Өнердегі жеткен жетістіктері үшін «Қазақстан Республикасының мәдениет қайраткері» төсбелгісіне ие болды.

Жұмахан театрда ойнаған рөлдерімен қатар, қалалық, облыстық, республикалық деңгейде өтіп жүрген салтанатты мәдени іс-шаралар мен мерекелік концерттердің жүргізушісі ретінде аймақ халқына кеңінен танымал.