Хамзин Хадыр Хамзаұлы – актер, режиссер. Қазақ КСР еңбек сіңірген мәдениет қызметкері (1967). Ұлы Отан соғысының қатысушысы.

Мәскеу шет тілдер институтында оқыды (1932-1937). Оралдағы арнайы театр студиясын (1937) және Мәскеудегі жоғары режиссерлік курсты (1939) бітірді. Актер, Орал музыкалық драма театрында, Павлодар театрында режиссер, 1938-1942 жж. – Алматыдағы Қазақ мемлекеттік театрының режиссері, 1946-1955 жж. – Павлодар облыстық драма театрының жанында қазақ труппасының бас режиссері, 1955 – 1957 жж. – облыстық мәдениет басқармасының аға инспекторы. 1957-1960 жж. – облыстық концерттік – эстрадалық бюроның көркем басшысы. 1960-1965 жж. – Шығармашылық үйінің аға әдіскері. 1965-1975 жж. – Лебяжі халық театрының бас режиссері және негізін салушы. 30 жылдан аса актерлік және режиссерлік жұмысының барысында жүзден аса қойылым қойып, жүзден аса спектакльдерде ойнады. Ордендермен және медальдармен марапатталған.