Актер, мәдениет қызметкері, педагог. Ресейдің Алтай өлкесінде дүниеге келді. Мәскеудегі Жалпыресейлік эстрадалық өнер шығармашылық шеберханасын бітірді (1974). Семей педагогикалық институтын тмамдады (1982).

1962 – 1964 жылдары Лебяжі, Баянауыл аудандарының Мәдениет үйлерінің директоры. 1964-1967 жж. – Павлодар облыстық филармониясының сөйлеу жанрының әртісі, 1967 – 1984 жж. – Ә. Қашаубаев атындағы Семей филармониясында, 1975- 1984 жж. филармония басшысының орынбасары, көркем жетекшісі қызметтерін атқарды.

1990 - 1996 жылдары қайта құрылған Ж.Аймауытов атындағы қазақ музыкалық драма театрының негізін қалағандардың бірі және алғашқы директоры. 1990 жылдардың соңында И. Байзақов атындағы филармония директоры. 2015 ж. тұрған үйінде мемориалдық тақта орнатылды.