Драмалық актер, Қаз КСР-нің Еңбек сіңірген әртісі Иван Георгиевич Чистяков 1926 жылы Ертіс ауданы Грабово ауылында әскери отбасыда туған. 1943 жылы Петропавловск қаласында орта мектепті бітірген. Ұлы Отан соғысының ардагері. Әскери міндетін өтеп жүргенде көркем өнерпаздықпен айналысты. Кавказ сыртқы әскери округында ән мен би ансамблінің солисі және концерттік жүргізуші болды.
И. Чистяковтың өмірі А.П. Чехов атындағы облыстық драма театрымен тығыз байланысты. Алғашқы рет 1951 жылы Вадим Собконың «Все начинается сначала» пьесасы бойынша қойылған спектаклінде неміс коммунисі Кнорре рөлін ойнады.
1955 жылдың қыркүйек айынан бастап 1961 жылдың мамыр айына дейін И.Чистяков Абай атындағы Семей драма театрында актерлік қызметте болды. Осы еңбегі үшін 1957 жылы «Тың жерлерді игеру үшін» медалімен марапатталып, ҚазКСР Жоғарғы Кеңесі Президиумының және Республиканың мәдени министрлігінің грамоталарымен марапатталды.
1961 жылдың мамыр айынан Павлодар театрының сахнасына қайта оралды. 300-ден аса рөлде ойнаған актер. Оның репертуарында классикалық, қазіргі заман орыс және шетел драматургиясынан рөлдер болды. Ол комедиялық, әрі трагедиялық бейнелерді бірдей сомдай білді.
А. Островскийдің «Женитьба Белугина» (П.Г. Белугин), И. Штоктың «Ленинградский проспегінде» (Скворец), К. Симоновтың «Русские люди» (капитан Сафонов), Н. Погодиннің «Третья патетическая», «Черные птицы» (Кумакин, Кормилицин), А. Арбузовтың «Город на заре» (И.Жмельков), Ғ. Мүсіреповтың «Қозы Көрпеш - Баян сұлуында» (Қарабай), М.О. Әуезов пен Л. Соболевтің «Абайында» (Дидар) және басқа спектаклдерінде ойнады.
Актердің шығармашылығы жоғары азаматтылықпен және ерекше дарындылығымен, үлкен сахналық мәдениетімен ерекшеленді. Оның серіктестері көрнекті өнер қайраткерлері, гастрольде болып, Павлодар театр сахнасында ойнағандар - Н. Мордвинов, И. Савин, В. Лановой, В. Соломин, И. Смоктуновский және т.б.
И. Чистяковқа республика театр өнерінің дамуына қосқан үлесі және жоғары атқару кәсіпкерлігі үшін 1978 жылы «ҚазКСР Еңбек сіңірген әртісі» құрметті атағы берілді. 1981 жылы Құрмет белгісі, 1986 жылы Еңбек Қызыл Ту ордендерімен марапатталды.
И. Чистяков 1995 жылы дүние салды. Ол тұрған үйде (Киров көшесі, 39) 2003 жылы мемориал тақта орнатылған.
