Әртіс, ұстаз, балет бишісі. Қазақ КСР-інің еңбек сіңірген әртісі (1971). Атақты суырып-салма ақын, халық сазгері, әнші. И.Байзақов пен алғашқы қазақ әйел әртісі Ш.Байзақованың қызы. Алматы хореография училищесінде ба¬лет сыныбын бітірген (1946), училищеден кейін Абай атындағы мемлекеттік академиялық опера және балет театрының, кейін М.О.Әуезов атындағы қазақ академиялық драма театрының әртісі болған. 50-ден астам рөлдерді сомдаған. Олардың ішінде Шураның (М.Горькийдің «Егор Булычев и другие»), Баянның (Ғ.Мүсіреповтің «Қозы көрпеш - Баян сұлу»), Айжанның (С.Мұқановтың «Шоқан Уәлиханов»), Қарлығаштың (Ғ.Мүсіреповтің «Қарақыпшак Қобыланды»), Ақтоқты (Ғ.Мүсіреповтің «Ақансері - Ақтоқты»), Надяның (С.Мұқановтың «Сәкен Сейфуллин») рөлдері бар. «Құрмет белгісі» орденімен марапатталған.