Әділбеков Нұрбек ұлттық музыкалық аспаптарды дайындау бойынша халық шебері, әнші және халық әндерін орындаушы, домбырашы. ҚР еңбек сіңірген мәдениет қызметкері (2002).

Талдықорған облысының Жауынгер ауылында дүниеге келген. Ж. Елебеков эстрада студиясын бітірген (Алматы, 1976). 1980-1983 жж. – Алматы облыстық филармониясының әншісі, 1983-1984 жж. – оркестр әншісі, 1984-1986 жж. – Талдықорған облыстық филармониясында әнші, 1986-2000 жж. – Құрманғазы атындағы консерватория жанындағы экспериментальді шеберхананың шебері. 2001 жылдан бастап С. Торайғыров атындағы ПМУ жанындағы этнографиялық шеберхана меңгерушісі. Н. Әділбеков бірегей қазақ аспаптарын жасайды.