«Қуат Әбусейітов атындағы жастар үйі» мәдени-сауық орталығы бұрынғы «Космос» кинотеатрының негізінде 1997 жылы құрылған. 1990 жылдары кинотеатр мәдени – сауық қызмет және үйірме жұмысына қайта жасақталып, 1997 жылы «Космос» Жастар үйі атанды.

Мұнда: «Каприз» вокал студиясы (жетекші В.Н. Ковеня), домбыра ансамблі (жетекші Н. Б. Қайшанов), «Конфетти» қазіргі заманғы би студиясы, «Рандеву» (жетекші Т. А. Рамазанова), «Грация» бал студиясы (жетекші Ю. В. Ворошилова) жұмыс істейді. Жастар үйінің шығармашылық ұжымдары барлық республикалық, облыстық және қалалық фестивальдарға, байқауларға, чемпионаттарға қатысады. Осылайша, «Грация» бал студиясының басшысы Ю. Ворошилова Солтүстік Қазақстанның бал билері бойынша чемпионатына қатысып, 1 орын алды.

2005 жылы ғимаратқа қазақ кинорежессері, актер, Қазақстанның еңбек сіңірген мәдениет қызметкері, Павлодар облысының тумасы Қуат Әбусейітовтың (1925-2002) мемориалды тақтасы орнатылып, сол жылы туғанына 80 жыл толуына орай Жастар үйіне есімі берлді.

Ақпарат көзі: «Культура и искусство Павлодарского Прииртышья: Люди. События. Факты./Авт.-сост. Э.Д.Соколкин. – Павлодар: Сытин, 2016. - 708с.